Mae camerâu yno i annog modurwyr i yrru o fewn y cyfyngiad cyflymder, felly'r camerâu mwyaf llwyddiannus yw'r rhai sy'n cofnodi'r nifer LLEIAF o dramgwyddau, nid y mwyaf.
Mae pob camera GanBwyll yn cydymffurfio â chanllawiau Llywodraeth Cymru ar leoliad camerâu. Mae sut a phryd y gosodir camerâu'n dibynnu ar hanes y damweiniau a'r broblem diogelwch ffyrdd ym mhob lleoliad.
Cofiwch y gall swyddogion yr heddlu ddefnyddio camerâu ar yr holl ffyrdd ac nid oes rhaid iddynt gydymffurfio â'r un canllawiau gwelededd.
Felly bob tro y byddwch yn gweld camera diogelwch, cofiwch ei fod yno i helpu i sicrhau eich bod chi a defnyddwyr eraill y ffyrdd yn cael taith ddiogel, nid i ddal modurwyr na gwneud elw.
Gwerth cyfartalog atal achosion o anafiadau o ganlyniad i wrthdrawiad a gofnodwyd ar ein ffyrdd ar gyfer 2019 yw £2.029m ar gyfer marwolaeth a £228k am bob anaf difrifol.
Mae GanBwyll yn gorfodi yn y lle cywir, ar yr amser cywir, am y rheswm cywir i annog cydymffurfiaeth â'r cyfyngiad cyflymder ac i leihau'r risg o wrthdrawiadau, anafiadau a marwolaethau ar ffyrdd Cymru.
Mae'r data sy'n ymwneud â chostau i'w gweld yma.
Fframwaith Diogelwch Ffyrdd Ar Gyfer Cymru
Meini Prawf Safleoedd Gorfodi GanBwyll
Rydym yn defnyddio camerâu yn y lleoedd canlynol yn unig:
Lle mae pobl wedi cael eu lladd neu eu hanafu
Am fwy o fanylion y meini prawf damweiniau ar gyfer gosod camerâu, gweler Canllawiau Llywodraeth Cymru.
Safle o bryder cymunedol.
Nid ydym yn credu mewn aros i bobl gael eu hanafu cyn cymryd camau gweithredu, felly mae camerâu teithiol hefyd ar waith mewn ardaloedd lle mae cymunedau wedi cwyno bod cyflymder yn peryglu bywydau a bod arolwg yn cadarnhau bod problem oryrru wirioneddol.
Gweithrediadau ag amcan diogelwch ffyrdd
Mae enghreifftiau'n cynnwys mentrau gwaith ffordd a diogelwch ffyrdd e.e. ymgyrch 20mya y tu allan i ysgolion